Os nenos numerados, Corredores de sombra, Ás veces quero morrer coa risa, En vías de extinción, A vitoria do perdedor, Faneca Brava, Made in india, Hilos, Todo OK, Hora zulú...Son algúns dos títulos que lemos durante o verán. Porque no IES Elviña non paramos. Queremos soñar e vivir outros mundos ao longo de todo o ano. A semana pasada 19 membros de Elvilendo reunímonos na biblioteca para comentar as lecturas que fixeramos durante os meses de xullo e agosto. Saíron ideas, recomendacións de libros ou actividades e, sobre todo, moitas ganas de empezar novamente este curso. No 2013-14 seguimos lendo e compartindo.
