ELVIÑA CONTINÚA BROTANDO

Un bo rato de reflexión e aprendizaxe do mundo audiovisual. Así é como resumiría eu as fantásticas dúas horas que pasamos hoxe xunto con Daniel Domínguez, guionista e ex-estudante de Elviña.  

Despois de facer un pequeno recorrido da súa vida e, de que Pepa recordase con agarimo o seu paso polo instituto, explicounos como é o mundo televisivo.Pódese subir coma a espuma e logo afundir. Gran frase non? 

UNHA BOA PROFESIÓN

A visita que tivemos este martes foi moi interesante, xa que recibimos a un ex-alumno de este instituto, Daniel D. Dominguez. 

Comezou presentándose e falando da súa andadura profesional no mundo dos guións. Ademáis tamén puidemos comentar todo o relacionado coa produción audiovisual, un tema que a mín chámame moito a atención. Podemos atopar algúns dos seus traballos nalgunhas series da TVG como Matalobos, Padre Casares, Terra de Miranda... Aínda que el prefira manterse no anonimato eu creo que hai que recoñecerlle o seu labor xa que esto conleva moito tempo e adicación. 

A VOLTAS CO MUNDO AUDIOVISUAL

Elviña, semente que agroma iii 

UNHA VISITA DIFERENTE

 No curso 2012-2013 tivemos moitas sorpresas e unha delas foi a visita de Fenando Díaz-Castroverde que, curiosamente, foi alumno deste centro e hoxe en día é un escritor coñecido.
Veu presentarnos o seu libro Microbios e outros paquidermos co que gañou o Premio de Narrativa Breve Repsol 2011. A min o libro gustoume e facilmente diría que non debín de ser a única. Na súa visita escoitámolo con interese e nós tamén aportamos a nosa parte literaria cuns pequenos "xogos" que fixemos. Unha visita diferente, entretida e, como non, con ganas de que se volva a repetir.
Quero desde aquí dar as grazas a Fernando e desexar esa volta

Isabel, 1º bacharelato

( en tan só dez liñas)

Hai varios días veunos visitar ao instituto Fernando Díaz Castroverde, escritor de microrrelatos. A charla foi adicada ao alumnado de 1º de bacharelato. Días antes da visita estivemos facendo exercicios relacionados co seu libro titulado Microbios e outros paquidermos.  

As primeiras veces da lectura dos breves, pero condensados relatos, sorprendémonos positivamente porque nunca antes traballaramos con textos deste tipo. Lois, o noso mestre, chegou un día cunha pila deses libros e no momento en que nos leu só o título, as nosas caras cambiaron. Que podería conter un libro titulado dese xeito? Microbios...? Paquidermos...? Quizais falase de contradicións. Ou sería simplemente algo relacionado cun mundo fantástico sen moito sentido?

A VOLTAS COS MICRORRELATOS

Elviña, semente que agroma II. Fernando Díaz-Castroverde  

POESÍA SOMOS NÓS

O mércores recibimos a visita dunha gran escritora, Dores Tembras. Para o noso asombro, na presentación sobre ela, descubrimos que foi alumna do noso instituto.

Máis impresións 

 Unha rapaza coma outra calquera, que encontrou na poesía un refuxio. Achegouse a nós con moita naturalidade. Mostrounos o seu entusiasmo, falounos de todos os seus esforzos e sobretodo, que todo se consegue a base de traballo.

A través da actividade que realizamos con ela, analizar uns graffitis, démonos conta de que cada palabra esconde unha mensaxe e incluso, unha historia. O afán dela e máis o dos grafiteiros, escritores, poetas.. por facer chegar a nós os súas ideas, pensamentos, sentimentos..

Adentrándonos no mundo da poesía

Este mércores Dores Tembrás, unha recoñecida poeta e antiga alumna do noso instituto fíxonos una pequeña visita de dúas horas, na que inculcounos un pouco máis no mundo da literatura.

Explicounos como fora a súa infancia no instituto e logo xa empezamos empezamos a traballar nun pequeño obradoiro.

A VOLTAS COA POESÍA

Elviña, semente que agroma I. Dores Tembrás

ELVIÑA, SEMENTE QUE AGROMA

Baixo este título organizamos un ciclo de encontros con autores que teñen en común o feito de teren estudado no noso Centro anos atrás. Cada un deles vai aportar ao alumnado a súa experiencia desde diferentes perpectivas. Dores Tembrás a través da poesía, Fernando Díaz-Castroverde desde o microrrelato e Daniel García ilustraranos sobre o mundo do guión cinematográfico.

SORPRÉNDETE

Este é un libro que me sorprendeu gratamente.
Dende o primeiro día díxeronos que o leramos sen prexuízos, sen pensar en que non era un libro como os demais e que intentaramos sacar algo del.
Ao telo nas nosas mans  mirámolo por enriba (como facemos con todos), e  no que nos fixamos foi que eran microrrelatos, que algúns non pasaban das tres liñas, e aínda que nos extrañou botamos para diante.

POESÍA E GRAFITTI

O 16 de Marzo, Dores Tembrás, a autora do libro "O pouso do fume", veu a falarnos do mundo da poesía. Algúns de nós xa a coñeciamos do ano pasado que nos viñera a falar do seu libro. 
Cando entramos na biblioteca, parecía que estabamos nun mundo cheo de fantasía, había poesía por cada recuncho máis agochado. 
Dores radiaba felicidade e sentimentos por cada poro da súa pel; en cada palabra, en cada frase que dicía notábaselle que a poesía e a escritura, son o seu mundo o que a fai felíz. Cando nos estaba aprendendo a submerxir nese mundo de sentimentos, cada mirada transmitiame moita ternura e faciame sentir moi a gusto.
Vivir outra vez unha experiencia coma está con Dores, alegroume moito, e espero que para o ano veña facernos outra visita chea de ledicia e fantasía.
JESSICA, 2ºB




SE QUERES VER AS NOSAS ACCIÓNS POÉTICAS, PREME AQUÍ

DORES LÉMBRANOS no SEU BLOGUE . MOITAS GRAZAS.