Xuntanza festiva no Ágora

O día 12 de maio reunímonos no Ágora os Clubs de Lectura dos IES Monelos, Monte das Moas, Zalaeta, Agra, Dieste e Elviña para celebrar o día das Letras Galegas. E vaia se o celebramos! Comezamos cun fermoso concerto de grupo Xardín Desordenado que cantou poemas en torno á figura de Manuel María:

E continuamos coa Gala do concurso de Videoanimación no que se entregaron os premios aos mellores traballos efectuados polos compoñentes dos diferentes clubes: Entre os afortunados estaban dous lectores - videoanimadores de Elviña: Miguel e Aarón

Deixamos varios documentos gráficos que ilustran o evento:

Asistimos a un taller de banda deseñada e disfrutamos dun concerto poético

O venres 15 de maio xuntámonos os clubs de lectura iunior de Monelos, Monte das Moas, Zalaeta, Agra, Rafael Dieste e nós Elviña no Ágora. Asistimos a un taller de banda deseñada impartido por José Domingo; o artista explicounos o proceso creativo desde os seus inicios: idea xeral, confección do guión, bocetos, debuxos iniciais e entintado dos mesmos, coloreado e revisión final. E non só iso; ofreceunos unha primicia mundial: os bocetos do seu novo libro sobre un par de rapaces aventureiros (Pablo e Jane) que vai ser publicado en outubro. Agardamos impacientes. Mentres tanto se queredes ver varios dos seus debuxos podedes facelo aquí...

Non acaba aquí o conto: volvemos disfrutar da poesía e da música de Lucía Aldao e María Lado; ofrecéronnos o seu espectáculo "Con cen poemas por barba". Xa somos fervorosos seguidores deste marabilloso dúo:

E no Ágora participamos na fotomontaxe do día das Letras Galegas: