Escrito por Sérgio Klein, "Poderosa" é un libro moi interesante, aínda que ó principio non engancha demasiado, xa que conta a vida normal dunha rapaza de 13 anos e non parece que vaia pasar nada. Non sorprende, apenas hai nada especial no primeiro capítulo, pero axiña cambiará todo.
De aí de diante gustoume moito, xa que trataba dunha rapaza da miña idade á que lle pasaban cousas que eu quixera que me pasaran. Líao polas tardes e ás veces antes de ir a durmir, para enterarme ben da historia.
Este libro narra a historia dunha nena chamada Joana Dalva de 13 anos que soña con ser escritora, un día ao facer unha redacción na clase sobre a súa ídolo Xoana de Arco, descubre que nesa redacción algo máxico sucede, xa que, logra darlle a volta a historia de Xoana de Arco, facendo que teña un remate inesperado na súa morte. Así, é como descubre que coa man esquerda todo o que escribe pódese facer realidade.
En canto a súa familia, non hai moita felicidade, xa que, os seus pais están a piques de separarse, a súa avoa Nina está moi maliña e o seu irmán pequeno, que para ela é o neno máis pesado do mundo.
Todo eso poderao arranxar con un pouquiño de bruxería; que non acabará como ela o esperaba.
O problema xurde cando en cada texto que escribe provoca consecuencias que ela non tiña previsto; como cando cura a súa avoa Nina e a converte nunha adolescente, e esta se namora de Guto, un rapaz do que Joana estaba completamente namorada.
Joana terá que enfrontarse as súas compañeiras e a súa avoa polo amor de Guto. E por si non tivera dabondo, recibirá unhas notiñas dun admirador secredo; no que descubrirá a completa realidade.
2ºA, Laura, LIBROS
