Para cantar como Ses canta...

 UN ARTIGO DE pEDRO fEIJOO

e outro de BRÉTEMAS

Fans de Pedro

Recuncamos con Pedro Feijoo, e que ben fixemos! Charlamos con el no IES Monte das Moas sobre o libro Os fillos do mar (ademais doutros temas) e volveu a engaiolarnos coa súa simpatía, pasión e paciencia. Mesmo prometeu ir a medias con Elías se atopaba o ouro de Rande...Grazas de verdade, Pedro. Foi un pracer.

Podedes lembrar neste enlace o anterior encontro con Pedro Feijoo.

UNHA GRATA EXPERIENCIA

Cada día síntome máis orgullosa de formar parte do alumnado do IES ELVIÑA. E, cando digo isto, é por unha razón de peso. O pasado xoves, 15 de Maio, contamos coa presenza dun escritor galego coñecido sobre todo pola súa novela "Os fillos do mar". El é Pedro Feijoo.

En primeiro lugar, mostrounos algunhas facetas da súa traxectoria que descoñecíamos. Ademais de adicarse á escritura, tamén foi membro dalgúns proxectos musicais galegos como Los Feliz e Lamatumbá. Pero iso deixou de ser importante para poder centrarse de cheo na literatura, xa que é un longo camiño debido ós prexuízos que existen contra a literatura galega.

Posteriormente, algúns alumnos (ademais de Elviña, había tamén lectores de Carballo e do Urbano Lugrís) fixéronlle varias preguntas dende a súa vida ata as súas obras, unha desas cuestións foi que para escribir tes que sentir algún tipo de paixón ou algo no que te vexas reflexado para poder transmitilo. 

Así que Pedro respondeu con claridade e dixo que, por exemplo, en Os fillos do mar quería deixar a constancia do peso da memoria da historia; a través do protagonista (Simón Varela)  rescatou a historia da cidade de Vigo e das súas construccións. 

Outra pregunta foi en quen se inspirara para escribir as súas novelas. Dixo que en varios autores importantes da historia da literatura galega, como Rosalía; pero, sobre todo, en Eduardo Mendoza e Suso del Toro. 

Ademáis, tamén nos contou que na súa primeira novela (Os fillos do mar) non quería escribila cunha trama que podía ubicarse en calquera parte da xeografía española, senón todo o contario: construír unha trama que só sucedese en Galicia, utilizando uns referentes galegos, para darlle unha aparencia de novela áxil, entretida, pero cunha historia e cuns referentes nosos. 

 Laura Sabugo, 1º bacharelato

 Aquí tedes o vídeo (grabado polo noso Carlos) que da fe da crónica.

OS FILLOS DO MAR

A principio do trimestre, no club de lectura, comezamos a ler esta fantástica novela escrita por Pedro Feijoo,"Os fillos do mar". Unha gran mestura entre aventuras, suspense, historia e amor.

Despoís de primeira impresión de "buf que gordo" cando o vin, unha vez que comezas a lelo a ganas de saber máis aventuras impide que o deixes aparcado.

Simón Varela é un arquitecto vigués un tanto mediocre que un bo día recibe a chamada de Isabel Llovet, a cabeza dunha importante e turbia familia das máis poderosas de Vigo, para ofrecerlle un proxecto de restauración na Casa Grande. Despóis da morte da señora Llovet, Simón vese sumerxido nun gran lio no que ao principio non entende porque está alí. Xunto a Mariña, filla de Isabel e Eneas Dafonte, empezan a investigar o verdadeiro pasado da familia e a causa pola que el está metido nesa intriga da que xa non pode sair.

Toda esta historia contada cun gran toque humorístico e a importancia da arquitectura de Vigo, a cal Pedro Feijoo nos describe dunha forma tan detalla que na nosa mente parece que estamos vendo unha fotografía. Non so de Vigo senón tamén a importancia que cobra no relato a ponte de Rande, a illa de Ons e a ría de Vigo.

Resumindo, é unha novela un pouco extensa pero que merece moito a pena que a leades.

Ana Vázquez, 1º Bacharelato

OS FILLOS DO MAR

Na 2ª avaliación os alumnos do club de lectura lemos o libro "Os fillos do mar" de Pedro Feijoo, unha novela na que a historia principal esta baseada no tesouro afundido dos galeóns de Rande.

Gustounos moito este libro porque é moi entretido e ainda que é un pouco longo, é moi sinxelo de ler.
Parécennos moi interesante como o autor describe ata o último detalle da cidade de Vigo, do burato do inferno...
Recomendamos a lectura desta novela.
Esta novela creounos curiosidade e puxémonos a investigar sobre se a historia contada no libro sobre o afundimento dos galeóns que viñan de América era verdade...
Se queres saber máis... preme aquí

OS FILLOS DO MAR

Illas Cíes

Ao comezo da novela atopámonos cun mapa cartográfico da costa sur de Galicia, onde aparecen a ría de Vigo e de Pontevedra. Fronte elas, sitúanse as fermosas illas Cíes e de Ons, onde aparece o Burato do Inferno.

Burato do Inferno (illas Ons)

Vigo, unha cidade que Pedro Feijoo describe de forma fotográfica: ensínanos as rúas, prazas, os edificios (moitos deles construídos polo arquitecto Pacewicz).

Sempre Trafegando Ronseis

Os fillos do mar
A memoria da choiva

PREMIO ARCEBISPO CLEMENTE

Acertamos plenamente na elección da novela que estamos a ler: Os fillos do mar foi premiada polo alumnado dun instituto de Santiago